“હુનર હાટ” અંતર્ગત ૧૦ દિવસીય વિવિધ વર્કશોપનું આયોજન કરાયું

અગ્રવાલ વિકાસ ટ્રસ્ટની મહિલા શાખા દ્વારા ૨૦ મે થી ૨૯ મે દરમિયાન સિટીલાઇટ સ્થિત અગ્રસેન પેલેસમાં “હુનર હાટ” વર્કશોપનું આયોજન કરવામાં આવ્યું હતું. મહિલા શાખાના પ્રમુખ રૂચિકા રૂંગટાએ જણાવ્યું કે, આ વર્કશોપ અંતર્ગત એઆઈ (AI) ની પાઠશાળા, પાઇપ ક્લીનર ફ્લાવર્સ, ઇમ્પેસ્ટો નાઇફ પેઇન્ટિંગ, મેકરામ પર્સ મેકિંગ વગેરે જેવા ક્લાસ લેવામાં આવ્યા હતા. આ વર્કશોપમાં ૧૦૦થી પણ વધુ મહિલાઓએ ભાગ લીધો હતો. વર્કશોપમાં મહિલાઓએ એક તરફ એઆઈ દ્વારા ડિજિટલ દુનિયાને સમજી, તો બીજી તરફ પોતાની કળાને પણ નિખારી હતી. આ કાર્યક્રમ દરમિયાન મહિલા શાખાના પ્રીતિ ગોયલ, શાલિની ચૌધરી, નેહા, મેઘના, અનિતા, શાલિની, વીણા, લીના, સીમા, અરૂણા સહિત અનેક સભ્યો હાજર રહ્યા હતા.